යාපනේටත් ගියා 2

පොඩ්ඩක් පරක්කු උනා යාලුවනේ දෙවෙනි කොටස දෙන්න.. සමාව භජනය කරත්වා... :(


හරි ඔන්න එදා අපි අවසන් කලේ ප්‍රභාකරන්ගේ බංකරේ ගැන කියලා. 
කියෙව්වේ නැත්තම් කියවන්නකෝ මෙන්න මෙතනට ගිහින්




ප්‍රභාකරන්ගේ බංකරේ පළමු මහල විතරක් උඩට පිහිටන්නත් ඉතිරි තට්ටු තුන පොලොව යට පිහිටන්නත් හදලා තියෙනවා. පළමු කොටසේදී මම තට්ටු 4 ම පින්තුර මගින් පැහැදිලි කළා.

මේ බලන්නකෝ මෙයාලා fan දාගෙන සැපට ඉඳලා තියෙන්නේ :/

මේ බලන්න එක කාමරේක වර්ග අඩි එකේ එකේ කොටු වල ලකුණු කරලා තිබුණු ලංකා සිතියම.. සිතියම නම් දැන් නෑ. කොටු ටික විතරයි තියෙන්නේ. ඒ කාමරේ අස්සේ කතා කරන දේවල් පිටට ඇහෙන්නේ නැහැ. 

මේ කාමරේ වායුසමිකරණයක් තිබිලා තියෙනවා. එක හොයාගෙන තියෙන්නේ බිම තියෙන මේ වයුසමිකරනෙන් පිටවෙන වතුර එලියට යන්න හදලා තියෙන ඒකෙන්.

කොටි සංවිධානේ කවුරුහරි ලොක්කෙක් මැරුණම එයාලාගේ මල සිරුරු මේ බංකරේ වෙත ගේනවලු. බ්‍රභාකරන්ට බලන්න. එයා එයාගේ බංකරේ තුලදී තමයි ඔවුන්ට අවසාන ගරු බුහුමන් දක්වන්නේලු. ඉතින් ඒ මල සිරුරු තබන්න විශේෂයෙන් මිනි පෙට්ටියක ආකාරයෙන් හදපු කුටියක්‌ තියෙනවා. 

එම කුටියේ ගේට්ටුවෙත් යම්කිසි සලකුණු පිහිටන්න තමයි හදලා තියෙන්නේ. නියගලා මලක්,  අනිත් පැත්තට හැරවූ තුවක්කුවක් උඩ තොප්පියක් සමග දැල්වුණු ඉටිපන්දමක් උඩ ලංකාව. පහල රුපෙන් එය බලාගන්න පුළුවන්.ඉටි පන්දම දැල්විලා ඉවරවෙද්දි මුළු ලංකාවම අල්ලගන්න අදහසින් තමයි එකෙන් නිරුපනය වෙන්නේ.

ඒ වගේම මේ බංකරේ තුල වෙනම කුස්සියක්, වතුර ටැංකියක්, බලු කුඩු දැකගත හැකිවෙනවා.


ඊට පස්සේ අපි ගියේ යුධ කෞතුකගරේ බලන්න පුදුකුඩිඉරිප්පු වලට. එහෙ හමුදාවේ කෙනෙක් හැම තොරතුරක්ම අපිට කියලා දුන්නා.

මේ තියෙන්නේ හමුදාවේ අයියලා කොකිස් හදපු කොකිස් අච්චුව තියෙන බෝම්බ.

මේ පහලින් තියෙන්නේ යුද්ද වලදී තහනම් කරපු රසායනික අවියක්. කොටි සංවිධානය කියන්නේ තහනම් කරපු සන්විදානයක් නිසා ඔවුන්ට මේ අවි පාවිච්චි කරන්න කිසිම තහනමක් තිබිලා නෑ. මෙමගින් කරන්නේ  හමුදාවේ පිරිසක් ඉන්න තැනකට මේ අවියෙන් රසායනික ද්‍රව්‍ය විද්දොත් එතන ඔක්සිජන් එමගින් උරා ගන්නවාලු. ඒ සමගම එතන උෂ්ණත්වය වැඩි කරනවාලු. සෙබළු ඉන්න ඉරියව්වෙන්ම මිය යනවාලු. පිටින් බලන කෙනෙකුට තේරෙන්නේ නැහැලු එයාලා මිය යන බව. හිනා වෙලා ඉන්නවානම් හිනා වෙලාම ගල් වෙලාලු මැරෙන්නේ. ලඟට ගිහින් අත තිබ්බොත් මස් කෑලි ගැලවිලා වටෙනවාලු. ඒ විස්තරේ කියද්දී මට සංසාරේ එපා උනා. :( අපේ හමුදාවේ අයියලා කොච්චරනම් විදවන්න ඇතිද කියලා හිතුනා :(

රසායනික අවිය

පහල පින්තුරේ තියෙන්නේ තනි සිරකුටියක්. මේක ඇතුලට එක්කෙනෙක්ව දානවලු. හේත්තු වෙන්නත් බෑ කටු දම්වැල් තියෙන්නේ. ඉඳගන්නත් බෑ හිටගෙනම තමයි. කෑම දෙන්නෙත් නැතිලු. අව්වට වැස්සට තෙමෙනවා. ඔහොම්මම මැරෙන්න අරිනවලු :(

මේ පහලින් තියෙන්නේ මරාගෙන මැරෙන  බෝට්ටු. විවිධ හැඩ තියෙන්නේ ඔය වගේ බෝට්ටු රාශියක් එම ස්ථානයේ තියෙනවා. මේ බෝට්ටු වල කෙලවර වෙඩි බෙහෙත් පුරවලා මුහුදේ යවනවාලු.

ඊට පස්සේ අපි ගියා සුසෙයි ගේ ගේ බලන්න. ඒ ගේ ඇතුලේ අල්මාරියක් ඇතුලෙන් උමගක් තියෙනවා එලියට යන්න. ඔය තියෙන්නේ අල්මාරිය.

මේ තියෙන්නේ අල්මාරියෙන් පිට වෙන උමග.

  ඒ වගේම සුසෙයිගේ ගෙවත්තේ ලොකු සරුවට වැඩුණු පොල් ගහක් යට රත්තරන් කිලෝ 600 ක් වල දාලා තිබිලා හමුදාවෙන් ගොඩ අරගෙන තියෙනවා. 


ඊට පස්සේ අපි ගියා කොටින්ගේ ස්විමිං පුල් එක බලන්න. කොටි මරාගෙන මැරෙන බෝට්ටු වගේම කොටි කිමිදුම් කරුවන් පුහුණු කරවලා තියෙන්නේ මේකේ තමයි.

ඊට පස්සේ ගියේ ෆාරා 3 නැව බලන්න. කොටි විසින් අල්ලගත්තු ජෝර්දාන් නැවක්.

ඊට පස්සේ ගියා නල්ලුර් කෝවිල බලන්න යාපනේ :)
නළලට සුදු පාට මොකක්ද ගෑවා සාමිලා.

ඊටපස්සේ ගියා පේදුරුතුඩුවට..  ඔය සුනාමියක් එනවාය කියලා පනිවුඩක් එන වෙලාවේ පේදුරුතුඩුවේ මුහුදේ දියබුං ගගහා ඉඳලා ගොඩට ආවා විතරයි. කස්ටිය කකා හිටියේ එතන, මුහුද ගාවම. 


පණිවුඩය ලබුනාත් එක්කම කස්ටියක් ඇඬුවා, කස්ටියක් කලබල කරා ඉක්මනින් යන්න ඕනා කියලා. දඩි බිඩි කියලා ඔක්කොම පටවාගෙන එතනින් අපි යාපනේ ටවුමට ආවා. ඇත්තම කියුවොත් සාතන් අයියාගේ ඉල්ලීම මත මමත් ඇඬුවා කියලා ඔන්න ලියනවා. නැත්තම් මම ඉඳලා ඉවරයි. ඇඬුවා නෙමෙයි ඇඬුනා. :'(


යාපනේ ට ප්‍රශ්නයක් වෙන්නේ නැහැ කියලා හමුදාවේ අය කියපු නිසා අපි නැවතුනා. නැත්තම් එන්නයි හිටියේ ගම් බිම් බලා. ගෙවල් වලින් බැනුම් කෝටියයි. අපේ මලයාත් ගෙදර නිසා අපිත් බය උනා. 
දෙයියන්ගේ පිහිටෙන් මුකුත් උනේ නැහැනේ :)

පේදුරුතුඩුව

ඊට පස්සේ ඔන්න ගෙවල් බලා පිටත් උනා. එනගමන් දවල්ට කෑවේ යෝධ වැව අසබඩ. එතන හමුදාවේ අයියලා කරන අවන්හලක් තිබුනා. එයාලා උණු උණු රොටි පුච්චලා දුන්නා අපිට බත් කනකන් කන්න කියලා :)
එයාලා කියුවා එතන හමුදාවේ කොල්ලෝ දහස් ගානක් මැරුණු තැනක් කියලා :(

යෝධ වැව

ඊටපස්සේ එනගමන් කතෝලිකයන්ගේ මුදුන් මල්කඩ වන මඩු පල්ලිය වැඳ පුදාගෙනම අපි පරිස්සමින් රෑ 12 ට ගෙවල් වලට ආවා. 

හිතේ හැටියට යාපනේ සැරිසරන්න බැරි උනා. මොකද දවස් 4 ක් මදි ඔය ඔක්කොම බලන්න. බලපු තැන් නම් උපරිමයෙන් බැලුවත් බලපු නැති තැන් තව ගොඩයි. ඉතින් ආපහු යාපනේ යන්න ආසයි ඒවාත් බලන්න.  
ඔන්න එහෙනම් යාපනේ චාරිකාව මෙතනින් නිමයි . රැඳී සිටි ඔබ සැමට ස්තුති. :)