වරුවකට අම්මා කෙනෙක් වුනෙමි..!!

ගිය ඉරිදා උදේ මම ගියා පුන්චිලාගේ ගෙදර.. හප්පේ ඉරිදා නිසා පොඩි එවුන් ඔක්කොම හිටියා. අහල පහල පොඩි ඈයොයි ඔක්කොම එහෙ. හරියට නිකන් ඩේකෙයාර් එකක් වගේ.මම හුගදවසකින් එයාලගේ ගෙදර ආවේ නැහැ කියලා පුංචි බැන බැන හිටියේ .  මම යද්දී පුංචි මාර්කට් ගිහින්. දොනියන්දා හිටියා අල්ලපු ගෙරද පොඩි කට්ටයත් එක්ක සෙල්ලම් කර කර.. මාව දැක්ක හැටියේ මේකිගේ වැඩේ ඇගේ එල්ලෙන එක. :))
මමත් ඉතින් පොඩි එකා වගේ සෙල්ලම් කරන්න ගියා. ටිකකින් එහා ගෙදර ඉන්න අක්කා කොහෙද යනවා කියලා ටිකකට බබාව බලාගන්න කියලා මට දීලා ගියා. හෆොයි. මාස 3 යි බබාට. පුංචිගේ පොඩි කෙල්ලලු වෙනදාත්  නිවාඩු දවස් වල බබාව බලා ගන්නේ. එකී තමයිලු දෙකම්මා :ඩි
මමත් ආසයි පොඩි බබාලාට. මමත් පැනලා බබා ව වඩාගත්තා :))

අනේ කොලු පැටියා ෂෝයි. එයාව වඩාගෙන මම හැමතැනම ඇවිද්දා. එයාගේ ඇගිලි රස්නෙයි. චුටි. පොඩි එකෙක්ව ගොඩාක් ලගින ආශ්‍රය කරපු පලවෙනි වතාව තමයි ඒ. අම්මෝ හරිම බරයි මාස 3 ක් උනාට චන්ඩි බන්ඩියාගේ.කොට් එකේ දැම්මට අඩනවා. වඩාගෙන එහෙට මෙහෙට ඇවිදින්න ඕනා මම. වඩාගෙන එක තැනක හිටියත් මේකා අඩනවා. පොඩි කාලේ ඉදන්ම රස්තියාදුව. එහෙට මෙහෙට කැරකිලාම කකුල් රිදෙන නිසා පොඩ්ඩක් වෙලා කොට් එකේ දාලා තිබ්බා. 

එතකොට අඩන්නේ මෙන්න මෙහෙමයි :((
පුංචිගේ පොඩි එක්කෙනයි මමයි  එකතු වෙලා බොහොම අමාරුවෙන් හිනැස්සුවා..

අනේ කොහොම කොහොමහරි දහදිය හෙලලා පොඩි කොල්ලාව නිදි කෙරෙව්වා.

හුරේ අපි දිනුම්...!!!
අනේ එත් එයා නිදාගත්තට පස්සේ අපිට ගොඩාක් පාලුයි. අපි ආපහු එයාව කොනිත්තලා ඇහැරවා ගත්තා.
ඒ ටික වෙලාවකින් එයාලගේ අම්මා ආවා. මට කියලා ගියා ඒ අක්කා නංගිට වැඩි වැඩියෙන් දරුවෝ ලැබේවා කියලා :)))